დღეს ბოლნისის მუნიციპალიტეტში 2 ახალი შემთხვევა დაფიქსირდა, როგორც ჩვენთვის გახდა ცნობილი შემთხვევები სოფელ მუშევანს უკავშირდება.
სოფელ მუშევანიდან გუშინ 574 ადამიანის საკვლევი მასალა აიღეს, ნაწილი მათგანის პასუხი ცნობილი დღეს გახდა, საიდანაც 2 დადასტურებული შემთხვევაა. მუშევანში “კოვიდ19”-ით ინფიცირებულ პირთა რაოდენობა ბოლო მონაცემებით, 58-ია.
შეგახსენებთ, ბოლნისის მუნიციპალიტეტის სოფელ მუშევანში, გუშინ მოსახლეობას გაფართოებული ტესტირება ჩაუტარეს. ბოლნისის მუნიციპალიტეტის მერიის ინფორმაციით, მუშევანში ეპიდემიოლოგების 9 ჯგუფი მუშაობდა და საკვლევი მასალა 500-ზე მეტ ადგილობრივ მოსახლეს აუღეს.
ბოლნისის მუნიციპალიტეტში სოფელი მუშევანი კორონავირუსის დაფიქსირების შემდეგ 25 აპრილს ჩაიკეტა და მკაცრი კარანტინი დაწესდა. სოფლის შესასვლელში ბლოკპოსტია მოწყობილი და ადგილზე დაწესებულ შეზღუდვებს სამართალდამცავები აკონტროლებენ.
