რუსთავის კოვიდის მიმღებ ცენტრში ამ დროისთვის საკუთარი ტესტის პასუხს 3 პაციენტი ელოდება. პაციენტები ბინიდან სამედიცინო ცენტრში სასწრაფო სამედიცინო დახმარების ეკიპაჟებმა გადაიყვანეს. ადგილობრივმა სპეციალისტებმა პაციენტების ბიოლოგიური ნიმუში კორონავირუსზე ტესტის ჩასატარებლად უკვე აიღეს და ლუგარის ლაბორატორიაში გაგზავნეს. ტესტების პასუხები ხვალ გახდება ცნობილი.
როგორც კოვიდის ცენტრის ეპიდემიოლოგმა მაია რაზმაძემ “TV4-ს” განუცხადა, გუშინ ლუგარის ცენტრში გადაგზავნილი 6 პირის ტესტის პასუხი კოვიდ19-ზე უკვე ცნობილია და ვირუსი არც ერთ მათგანს არ დაუდასტურდა.
ექიმის ცნობით, ამ დრომდე ტესტი კორონავირუსზე 260-ზე მეტ ადამიანს ჩაუტარდა და მათ შორის ვირუსი მხოლოდ 2 შემთხვევაში დადასტურდა.
შეგახსენებთ, რომ რუსთავში კოვიდ19-ით ინფიცირების სულ 9 დადასტურებული შემთხვევა ფიქსირდება. მათ შორის 8 ადამიანი უკვე გამოჯანმრთელდა.
