საქართველოსა და საფრანგეთის განვითარების სააგენტოს (AFD) შორის, 190 მლნ ევროს ოდენობის ფინანსური მხარდაჭერის გამოყოფის შესახებ, ორი ხელშეკრულება გაფორმდა.
საქართველოს ფინანსთა სამინისტროს ინფორმაციით, აღნიშნული შეთანხმებებით 70 მილიონი ევრო გათვალისწინებულია სოციალური კეთილდღეობის პროგრამის დასაფინანსებლად, მათ შორის, COVID-19-ის წინააღმდეგ ბრძოლის მიმართულებით. 120 მილიონი ევრო კი – მიიმართება ენერგეტიკის სექტორის რეფორმის პროგრამის მხარდაჭერისკენ.
აღნიშნული დაფინანსება წარმოადგენს საბიუჯეტო მხარდაჭერას და მიმართული იქნება სახელმწიფო ბიუჯეტში.
