ფაშიზმზე გამარჯვების დღე აღნიშნეს გარდაბნის მუნიციპალიტეტშიც.
ადგილობრივი ხელისუფლების გადაწყვეტილებით, მუნიციპალიტეტში მცხოვრებ სამ ომის ვეტერანს და თექვსმეტ მათთან გათანაბრებულ პირს ფულადი ჯილდო გადაეცა. ომის ვეტერანებს 1000, ხოლო მათთან გათანაბრებულ პირებს მერიამ 600 ლარი გადასცა.
ასევე, ყველა მათგანმა გარდაბნის მუნიციპალიტეტის მერიისგან სასურსათო პაკეტები მიიღო.
მეორე მსოფლიო ომში, 1941-45 წლებში, გარდაბნის მუნიციპალიტეტიდან 1552 ადამიანი დაიღუპა, 725 კი დაკარგულად ითვლება.
