ხულოში, ავტოსაგზაო შემთხვევის შედეგად ტრაქტორის მძღოლი დაიღუპა.
ტრაქტორი ხევში გადავარდა, როდესაც მძღოლი მძიმე ტექნიკით ხულოს ცენტრალურ გზაზე გადაადგილდებოდა. სასწრაფო დახმარების ბრიგადას მძღოლი ადგილზე გარდაცვლილი დახვდა.
ჯერჯერობით უცნობია, რამ გამოიწვია ავტოსაგზაო შემთხვევა.
საქართველოს შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლის მეექსვე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს.
