ხვალიდან შიდასაქალაქო ტრანსპორტი აღდგება, კერძოდ მუშაობას აახლებენ როგორც მუნიციპალური ავტობუსები,ასევე M2 კატეგორიის მიკროავტობუსები(მარშუტკები). ამის შესხებ tv4-ს რუსთავის მერის მოადგილე ,ბესო ტოგონიძემ განუცხადა.
მანვე, tv4-თან ის რეკომენდაციები განმარტა, რომლის დაცვაც საზოგადოებრივ ტრანსპორტში იქნება აუცილებელი.
ბესო ტოგონიძის ინფორმაციით, ჯანდაცვის სამინისტროს რეკომენდაციების შესაბამისად, უპირველესია ,რომ გადაადგილება ტრანსპორტში პირბადით მოხდეს, ასევე, როგორც ცნობილი ხდება ,მძღოლები თერმოსკრინინგის პროცედურას ყოველდღიურად გაივლიან.“კომპანიებს, საზოგადოებრივი ჯანდაცვის ცენტრთან ერთად, შევხვდით ,გავაცანით რეკომენდაციები და გადავეცით ასევე, ასევე თერმომეტრები,რომლითაც თერმოსკრინიგის პროცედურას ჩაატარებენ.“-განაცხადა ბესო ტოგონიძემ
მისივე ცნობით, ყველა სახის შიდასაქალაქო ტრანსპორტს დეზინფექცია უნდა ჩაუტარდეს.
როგორც ცნობილი ხდება მგზავრთა გადაყვანაზე რუსთავის საზოგადოებრივ ტრანსპორტში შეზღუდვა არ დაწესდება, თუმცა ბესო ტოგონიძე აზუსტებს,რომ ფეხზე მდგომ მგზავრის გადაყვანა აკრძალულია. მისივე თქმით, მგზვრობის ღირებულების საფასური უცვლელი დარჩება.
რაც შეეხება მინივენებს,რუსთავის მერის მოადგილე განმარტავს, რომ მინივენები M1 კატეგორიას განეკუთვნებa(ტაქსი) და მიკროავტობუსებში არ გადის. თუმცა ტოგონიძის ცნობით, იმის გამო,რომ აღნიშნული მინივენები (რუსთავი -ვაკე) რეგულარულ მარშუტებს ახორციელებენ, მათ იმ რეკომენდაციების დაცვა მოუწევთ,რაც მაგალითად “ინტერტრანსის” მიკროავტობუსებს მოეთხოვებათ.
