შინაგან საქმეთა სამინისტროსთან მოძრაობა „სირცხვილიას“, „შეცვალესა“ და „დემოკრატიული მომავლისათვის“ წარმომადგენლები აქციას მართავენ.
აქტივისტები თამარ ბაჩალიაშვილის, ლუკა სირაძისა და გიორგი შაქარაშვილის საქმეების ობიექტურად გამოძიებას ითხოვენ.
დემონსტრანტები გარდაცვლილების ოჯახის წევრებს სამძიმარს უცხადებენ.
აქციის მონაწილეები აცხადებენ, რომ ხელისუფლება კრიმინალთან არის კოაბიტაციაში.
„სირცხცილიას“ წევრ გიგა მაქარაშვილის თქმით, სანამ შინაგან საქმეთა სამინისტრო ბოლო დროს მომხდარ გახმაურებულ საქმეებს ობიექტურად არ გამოიძიებს, ძალოვან უწყებას დისკომფორტს შეუქმნიან.
