რუსთავის ინოვაციების ჰაბი პარტნიორებთან ერთად ,ახალგაზრდული სტარტაპ იდეების კონკურსს აცხადებს. ინფორმაციას ინოვაციების ჰაბი ავრცელებს.
მათივე ცნობით, კონკურსში მონაწილეობა ახალგაზრდების საინიციატივო ჯგუფს ,ტერიტორიალური შეზღუდვის გარეშე ,შეუძლია. გუნდი დაკომპლექტებული უნდა იყოს,ორიდან ოთხამდე მონაწილით,ხოლო სტარტაპის იდეა რუსთავში უნდა განხორციელდეს.
ინოვაციების ჰაბის მიერ გავრცელებული ინფორმაციის თანახმად, შერჩევის პროცესში, უპირატესობა მიენიჭება ისეთ იდეებს, რომლებიც იქნებიან მდგრადი “კოვიდ-19” პანდემიის მსგავს კრიზისულ სიტუაციებში. კონკურსი 2020 წლის 1-ელ სექტემბერს დაიწყება. საკონკურსო იდეების მიღების ბოლო ვადად 14 სექტემბერი განისაზღვრა.
დაინტერესებულ პირებს რეგისტრაციის გავლა და დამატებითი ინფორმაციის მიღება, ინოვაციების ჰაბის მიერ გავრცელებულ ბმულზე შეუძლიათ.
