სტუდენტებისთვის უცხოეთში უახლოეს პერიოდში კიდევ ერთი ფრენა განხორციელდება.ამის შესახებ ეკონომიკისა და მდგრადი განვითარების მინისტრმა, ნათია თურნავამ განაცხადა.
თურნავას თქმით, თუ მსოფლიოში ეპიდვითარება გაუმჯობესდება, რეგულარული ფრენები დაემატება, ხოლო მდგომარეობის გაურესების შემთხვევაში, მთავრობა ადეკვატურ ზომებს მიიღებს.
“დღეს განვიხილეთ და მთავრობის სხდომაზე დავამტკიცეთ სტუდენტებისთვის მორიგი რეისი, რომელიც უახლოეს პერიოდში განხორციელდება. აქედან გამომდინარე, ფრენები არის ოპტიმალური რაოდენობის. თუ ეპიდვითარება მოგვცემს საშუალებას, რომ დავამატოთ რეგულარული ფრენები არსებული მიმართულებით, ჩვენ ამას გავაკეთებთ. ასევე, ყურადღებით ვართ, რომ ჩვენ პარტნიორ ქვეყნებში, საიდანაც ფრენები ხორციელდება, თუ რაიმე გაუარესდა, მზად ვართ, რომ მივიღოთ ადეკვატური ზომები და დავიცვათ ჩვენი მოსახლეობის ჯანმრთელობა, რაც უპირატესია“,– განაცხადა ეკონომიკის მინისტრმა, ნათია თურნავამ.
