გარდაბნის მუნიციპალიტეტში მომავალი კვირიდან გარდაბნის სახანძრო-სამაშველო სამსახურის თანამშრომლების გამოკვლევა იგეგმება.
გარდაბნის საზოგადოებრივი ჯანდაცვის ცენტრის ინფორმაციით, მეხანძრე-მაშველებს ეპიდემიოლოგები კორონავირუსზე გამოიკვლევენ.
ამასთან,ცენტრის ეპიდემიოლოგის ,მარინა გოგოლაძის ცნობით, მუნუციპალიტეტში 3-ით გაიზარდა კორონავირუსისგან გამოჯანმრთელებულთა რაოდენობა და მათი რიცხვი 67-ს შეადგენს. სამივე გამოჯანმრთელებული პაციენტი სოფელ ყარაჯალარის მკვიდრია.
ინფორმაციისთვის, მუნიციპალიტეტში უცვლელია კორონავირუსით ინფიცირებულთა რაოდენობა და მათი რიცხვი 75-ს შეადგენს.
