საქართველოს პრემიერ-მინისტრის განცხადებით, სახელმწიფომ განათლების სისტემის რეფორმაზე უნდა იზრუნოს, იმისთვის,რომ საქართველოს ყველა მოქალაქემ ქართული ენა იცოდეს. ამის შესახებ მთავრობის მეთაურმა, მარნეულში, მარნეული-გარდაბნის მაჟორიტარი დეპუტატობის კანდიდატის,ზაურ დარგალის წარდგენისას განაცხადა.
ამასთან, პრემიერის განცხადებით, მარნეული ინფრასტრუქტურული თვალსაზრისით ძლიერი რეგიონია,თუმცა ამ მიმართლებით გასაკეთებელი ბევრია.
„მარნეული ძლიერი რეგიონია, მაგრამ ინფრასტრუქტურულად ბევრია გასაკეთებელი. დღეს ჩვენ ვნახეთ წყალმომარაგების და წყალანირების სისტემა, რომელზე მუშაობაც დაიწყო.
ისევე როგორც ბოლნისს, მარნეულს და მის გარშემო სოფლებს სამუდამოდ ექნება 24- საათიანი წყალმომარაგება. ბიუჯეტიდან ეს 200 მლნ ლარი დაჯდება.
რა თქმა უნდა, სარწყავი წყალი პრობლემაა მთელ ქვეყანაში და აქ, მარნეულშიც.
ბევრი რამე კეთდება, მაგრამ ჩვენ არ ვამბობთ, რომ ეს საკმარისია. ხვალინდელი დღე უნდა გავხადოთ კიდევ უფრო უკეთესი, ვიდრე დღევანდელი დღე.
უნდა ვიზრუნოთ განათლების სისტემის რეფორმირებაზეც იმისთვის, რომ საქართველოს ყველა მოქალაქემ იცოდეს ქართული, შეეძლოთ საქართველოში მიიღონ განათლება, შემდეგ კი სახელმწიფო სტრუქტურებში მათი კარიერის გზა ხსნილი იყოს. ეს არის ის, რაც ყველამ უნდა გავაკეთოთ“, – განაცხადა პრემიერმა
