რუსთავის ცხელების ცენტრის პაციენტების ტესტის პასუხი კორონავირუსზე ცნობილია. როგორც Tv4-ს რუსთავის ცხელების ცენტრში განუცხადეს, სამედიცინო დაწესებულებაში მოთავსებულ ცხრა პაციენტს კორონავირუსი არ დაუდასტურდა.
ცენტრის ეპიდემიოლოგის, მაია რაზმაძის ცნობით, დღეს ბოქსირებულ განყოფილებაში კიდევ 3 ახალი პაციენტია მოთავსებული და ყველა მათგანი რუსთაველია.
ადგილობრივი სპეციალისტები მათ საკვლევ ნიმუშებს დღის განმავლობაში აიღებენ და ლუგარის ლაბორატორიაში გაგზავნიან . პასუხები “კოვიდ-19”-ზე ხვალ გახდება ცნობილი.
