საქართველოში კორონავირუსის 10 ახალი შემთხვევა გამოვლინდა. ინფორმაცია მთავრობის სპეციალურ ვებგვერდ stopcov.ge-ზე განახლდა.
აღნიშნული მონაცემებით, ამ დროისთვის საქართველოში კორონავირუსის 1 421 შემთხვევაა დადასტურებული. გამოჯანმრთელებულთა რაოდენობა 5-ით გაიზარდა და 1137-ს შეადგენს.
„დაგვემატა მხოლოდ 10 დადასტურებული შემთხვევა და გახდა 1421 შემთხვევა. ეს 10 ახალი დადასტურებული შემთხვევა ასეთი კონფიგურაციით არის: 2 პაციენტის წყარო არის ლენჯერი, 2 პაციენტის წყარო არის დადასტურებულ შემთხვევასთან კონტაქტი, 5 არის იმპორტირებული შემთხვევა და მათ შორის, ერთი არის სატვირთო ავტომანქანის მძღოლი, 1 შემთხვევაზე გრძელდება ეპიდემიოლოგიური კვლევა კონტაქტებისა და წყაროს დადგენის მიზნით. დაგვემატა მხოლოდ 5 გამოჯანმრთელებული და გახდა 1137. გამოჯანმრთელებულების პროცენტული მაჩვენებელი, დღევანდელი მონაცემებით, არის 80%, ხოლო ლეტალობა არის 1,20%,“- განაცხადა მარინა ეზუგბაიამ.
ამასთან, უცხოეთიდან სამკურნალოდ გადმოყვანილია საქართველოს 41 მოქალაქე.
კორონავირუსის შედეგად ქვეყანაში 17 პაციენტი გარდაიცვალა.
კარანტინის რეჟიმში იმყოფება 7 005 მოქალაქე, სტაციონარში მეთვალყურეობის ქვეშ – 255.
