კლინიკა „სითი მედიკალში“ ექიმების მხრიდან პაციენტზე სავარაუდო ძალადობის ფაქტთან დაკავშირებით ,საგამოძიებო მოქმედებები ჩატარდა.
პაციენტის ოჯახის წევრები კლინიკის მედპერსონალს 77 წლის ქალზე ძალადობაში ადანაშაულებენ. მათივე განცხადებით, ამ დროისთვის საგამოძიებო უწყებისგან კამერების გახსნას ელოდებიან, რომ ინფორმაცია მიიღონ.
ფაქტს არ ადასტურებენ კლინიკა “სითი მედიკალში” და აცხადებენ,რომ ბრალდება სიმართლეს არ შეესაბემება.
აღნიშნულ ფაქტზე შინაგან საქმეთა სამინისტრომ გამოძიება სსკ-ის 126-ე ძალადობის და 187-ე (ნივთის დაზიანება ან განადგურება) მუხლებით დაიწყო.