2008 წლის აგვისტოს ომის 12 წლისთავთან დაკავშირებით, რუსთავში, ცურტაველის მოედანზე გმირთა მემორიალის ტერიტორია საქართველოს სახელმწიფო დროშებით მოირთო.
რუსეთ-საქართველოს ომში დაღუპული რუსთაველი გმირების მემორიალის ტერიტორიაზე სპეციალურად დამონტაჟებულ მონიტორზე, აგვისტოს ომის ამსახველი ვიდეოკადრები და დაღუპული რუსთაველი სამხედროების 
ფოტოები აჩვენეს.
ღონისძიებაში მონაწილეობას ქალაქის პირველი პირები, ომის ვეტერანები, გარდაცვლილი მეომრების ოჯახის წევრები და მეგობრები იღებენ.
ღონისძიების ფარგლებში, მანათობელი სანთლებით საქართველოს რუქა მოიხატა. გარდა ამისა, ღონისძიების მონაწილეებმა და დამსწრეებმა ცაში 
წითელ ფრანები გაუშვეს.
რუსთავში, აგვისტოს ომის 12 წლისთავთან დაკავშირებული ღონისძიებები გაგრძელდება. რუსთავის მუნიციპალიტეტის მერიის პრესსამსახურის ცნობით, 8 აგვისტოს ღამით, რუსეთ-საქართველოს ომის დროს დაღუპული რუსთაველი გმირების სახელობის ქუჩების მაჩვენებელი აბრები განათდება. 
ასევე, დილის 10 საათზე მემორიალთან ღონისძიება გაიმართება. სასულიერო პირი, მემორიალთან აგვისტოს ომში დაღუპულთა სულების მოსახსენიებელ პანაშვიდს გადაიხდის.
