კორონავირუსით ინფიცირების მაღალი მაჩვენებლის გამო, გარდაბნის მუნიციპალიტეტი კვლავ წითელ ზონად რჩება.
მუნიციპალიტეტის ჯანდაცვის ცენტრის განცხადებით,ამ დროისთვის გარდაბანში კორონავირუსით ინფიცირების 63 შემთხვევაა დადასტურებული. საზოგადოებრივი ჯანდაცვის ცენტრის ინფორმაციით , ეპიდემიოლოგები ამ ეტაპზე, კარანტინსა და თვითიზოლაციაში მყოფ პირებს იკვლევენ.
მუნიციპალიტეტის მასშტაბით, 2 ათასზე მეტი ლაბორატორიული კვლევა ჩატარდა.
კორონავირუსის ახალი შემთხვევების გამო, გარდაბნის მუნიციპალიტეტის სოფელი ყარაჯალარი 24 ივლისს ჩაიკეტა.
