მე-14 მიკრორაიონში არსებულ ანტისანიტარიულ პრობლემასთან დაკავშირებით მოქალაქის წერილს, რომელიც TV4-მა გაავრცელა, რუსთავის მერიის მხრიდან რეაგირება მოჰყვა.
რუსთავის მერიის ააიპ “რუსთავსერვისცენტრმა” მე-14 მიკრორაიონში დასუფთავების ფართომასშტაბიანი სამუშაოები ჩაატარა.
დასუფთავების სამსახურის თანამშრომლებმა რამდენიმე საცხოვრებელ კორპუსის მიმდებარე ტერიტორია საყოფაცხოვრებო და სხვადასხვა ტიპის ნარჩენებისგან გაწმინდეს. სპეციალური ტექნიკის მეშვეობით კი სამშენებლო ნარჩენებისგან გაასუფთავეს.
დასუფთავების სამუშაოების პარალელურად, “რუსთავსერვისცენტრის” თანამშრომლებმა მიმდებარე ტერიტორიაზე არსებული ბალახი გათიბეს. მე-14 მიკრორაიონში მიმდინარე სამუშაოები “რუსთავსერვისცენტრის” ხელმძღვანელო რევაზ გოგიძე დაესწრო. როგორც გოგიძემ TV4-ს განუცხადა, დასუფთავების სამსახურის თანამშრომლები მსგავს სამუშაოებს ყოველდღიურად, 24 საათიან რეჟიმში ახორციელებენ.
შეგახსენებთ, რომ რამდენიმე დღის წინ TV4-მა რუსთაველი მოქალაქის სოციალურ ქსელში გამოქვეყნებული პოსტი გაავრცელა. “ფეისბუქზე” გამოქვეყნებული პოსტის ავტორი მე-14 მიკრორაიონში არსებულ ანტისანიტარიული პრობლემაზე საუბრობდა და დასახმარებლად რუსთავის მერიას მიმართავდა.
