“ქართული ოცნების” ცენტრალური ოფისის ერთ-ერთ თანამშრომელს კორონავირუსი დაუდასტურდა – ამის შესახებ ინფორმაცია TV4-ს პარტიის პრესსამსახურში დაუდასტურეს.
როგორც პრესსამსახურში აცხადებენ, ოფისში კორონავირუსის გავრცელების პრევენციის მიზნით, შესაბამისი ღონისძიებები გატარდა. ოფისში ჩატარდა დეზინფექცია.
ასევე, თანამშრომლების ტესტირება მიმდინარეობს. ამ ეტაპზე გამოკვლეული ყველა პირის ტესტის პასუხი კორონავირუსზე უარყოფითია.
