საქველმოქმედო აქცია და „დრიფტ შოუ“ რუსთავში

რუსთავში, ხერხეულიძისა და კიკვიძის კვეთაზე არსებული ავტოსამრეცხაო MGI მთელი დღის განმავლობაში საქველმოქმედო აქციას  აწყობს. 12 სექტემბერს ავტოსამრეცხაოში შესული თანხა სრულად გადაერიცხებათ ადამიანებს, რომლებსაც ყველაზე მეტად სჭირდებათ.

ორგანიზატორი: „საქველმოქმედო პროექტის მთავარი მიზანია, რომ დავეხმაროთ განსაკუთრებული საჭიროებების მქონე ადამიანებს. თითოეული ადამიანი, რომელიც დღეს MGI-ის მომსახურებით ისარგებლებს ავტომატურად ხდება ქველმოქმედი, ასეთი სახის პროექტებითა და რუსთაველების ჩართულობით მეტი სიკეთის კეთება შეიძლება“ .

3 საათიდან ადგილზე  საავტომობილო მოძრაობა გადაიკეტა და ყველანაირი სტანდარტის დაცვით ჩატარდა „დრიფტ შოუ“, რომელშიც მონაწილეობას რუსთაველი მოყვარული სპორტსმენები იღებდნენ.