აბაშაში ავტოსაგზაო შემთხვევის შედეგად 70 წლამდე მამაკაცი გარდაიცვალა. ინფორმაციას შინაგან საქმეთა სამინისტრო ადასტურებს.
არსებული ინფორმაციით, ქვეითად მოსიარულე მამაკაცს სატვირთო მანქანა დაეჯახა. მამაკაცი ადგილზე გარდაიცვალა.
შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლის მეექვსე ნაწილით დაიწყო, რაც ტრანსპორტის მოძრაობის ან უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.