რუსთავი-თბილისის ლოტზე “ძვ.ბაზარი – ისთ. ფოინთი” მგზავრობის ღირებულება, ხელოვნურად, 1.5 ლარიდან 1.8 ლარამდე გაიზარდა,- ინფორმაციას რუსთაველი სამოქალაქო აქტივისტი სოციალურ ქსელში ავრცელებს.
“მძღოლთან საუბრისას გავარკვიეთ, რომ ხარჯები აქვთ გაზრდილი და კომპანია “ინტერტრანსში” ყოველდღიურად მანქანის ცვეთის 25 ლარს და პლუს 25 ლარს სავალდებულო შენატანს (სულ 50 ლარი) იხდიან. კომპანიაში, როგორც ყოველთვის, კომპეტენტური პირებიდან არავინ დაგვხვდა და ადგილზე დასაქმებულებმა პანდემიისგან გამოწვეულ კრიზისზე ჩამოაგდეს საუბარი, რომელიც ყველას შეგვეხო”, – წერს სამოქალაქო აქტივისტი, გიგი შანიძე.
რუსთაველი აქტივისტები აცხადებენ, რომ კომპანიის ქმედებებს არ შეეგუებიან და მოითხოვენ, ლოტზე მგზავრობის ღირებულება 1.5 ნიშნულს დაუბრუნდეს და კომპანიამ მძღოლებს გადასახადი შეუმციროს.
UPDATE: აღნიშნულ ლოტზე დასაქმებული მძღოლები მგზავრობის ღრებულების მატებას კერძო საუბრებში ადასტურებენ, თუმცა კამერებთან კომენტარის გაკეთებისაგან თავს იკავებენ. კომპანია “ინტერტრანსში” კი ფასის მატებას არ ადასტურებენ.
