დღეს, დილას მარნეულის ჩვენი შტაბის საარჩევნო სპეციალისტი მარნეულის მიმართულებით გადაადგილდებოდა, აედევნენ, დააჯახეს უკანა მხრიდან მანქანა, გადმოვიდნენ და მიზეზის გარეშე უმოწყალოდ სცემეს. ჩვენი ეჭვია, რომ ამ ყველაფერში ჩვენი პოლიტიკური ოპონენტების ხელი ურევია, – განაცხადა „ქართული ოცნების“ ერთ-ერთმა ლიდერმა, ირაკლი სესიაშვილმა, რომელიც შემთხვევის ადგილზე არის მისული.
„ამ ყველაფრის უკან ვხედავთ ჩვენს პოლიტიკურ ოპონენტებს, რომლებიც მიზანმიმართულად ცდილობენ, პროვოკაციების მოწყობას, რადგან მათი მიზანი არის იმ მშვიდობიანი საარჩევნო გარემოს იმიჯის შელახვა, რომლის ფარგლებში მათ არანაირი პოლიტიკური მომავლის შანსი არ აქვთ. ამაზე არის გათვლა, მათ უნდათ, დააზიანონ ჩვენი ქვეყნის იმიჯი, მშვიდობიანი გარემოს იმიჯი, მუხანათური და ლაჩრული თავდასხმებით მოახდინონ ზეწოლა და ზეგავლენა. მათ პასუხი გაეცემათ, როგორც არჩვენების დღეს, ასევე ასეთი ლაჩრული ქმედებების გამო მათ სამართალდამცველები უმკაცრეს პასუხს გაცემენ” – აცხადებს ირაკლი სესიაშვილი.
