მარნეულში საქართველოს პირველი არხის გადამღები ჯგუფის კამერა დაამტვრიეს და ოპერატორს ფიზიკურად გაუსწორდნენ. ინფორმაციას საზოგადოებრივი მაუწყებელი ავრცელებს.
მათივე ცნობით, შემთხვევა „ქართული ოცნებისა“ და ნაციონალური მოძრაობის“ აქტივისტებს შორის შეხლა-შემოხლის დროს მოხდა.
ინციდენტის მონაწილე ერთ-ერთი პირი საქართველოს პირველი არხის ოპერატორს თავს დაესხა, სცემა და კამერა დაუმტვრია.
გადამღები ჯგუფი ამ დროისთვის პოლიციაში გამოკითხვაზე იმყოფება.
ამასთან, დაშავდა კიდევ რამდენიმე ადამიანი, მათ შორის ერთ-ერთი არხის ჟურნალისტიც.
