სამოქალაქო აქტივისტთა ჯგუფმა “გავიგუდეთ”, რუსთავის გასამწვანებლად, საზოგადოების ჩართულობით, 5 000 ლარის შეგროვება მოახერხა.
აღნიშნულ თანხას ფონდი “ორბელიანი” ჯგუფს დამატებით 5 000 ლარს გადასცემს, რაც ჯამურად, ქალაქში, პროექტის კონცეფციით, 10 000 ლარის ღირებულების ხეების დარგვის შესაძლებლობას გააჩენს.
პროექტს “ვაჩუქოთ რუსთავს ჟანგბადი”, – ამ სლოგანით, რუსთავში ჯგუფი “გავიგუდეთ”, მცენარეების მაღაზია “ანემონესთან” ერთად ახორციელებს. პროექტის ფარგლებში, შემოდგომაზე, რუსთავში 300-ზე მეტი ხე უნდა დაირგოს.