„ქართული ოცნების” მე-12 ოლქის მაჟორიტარი დეპუტატობის კანდიდატი სამეწარმეო საქმიანობაში ჩართულ ქალებს შეხვდა.
ნინო ლაცაბიძე “მადაგონის” ქსელს ეწვია, სამეწარმეო საქმიანობას, საკვების მზადების პროცესსა და საკონდიტროში არსებულ სტანდარტებს ადგილზე გაეცნო, რის შემდეგაც “მადაგონის” ქსელის სხვა ობიექტები – ფიტნეს დარბაზი და განახლებული რეკრეაციული სივრცე მოინახულა.
კითხვა – პასუხის რეჟიმში წარიმართა მეწარმე ქალებთან შეხვედრა, სადაც ეკოლოგიაზე, ტრანსპორტის საკითხებსა და ბიზნეს საქმიანობაში ქალების მეტ ჩართულობაზე იმსჯელეს. ნინო ლაცაბიძემ მზაობა გამოთქვა, რომ მსგავსი შეხვედრები არამხოლოდ წინასაარჩევნო კამპანიის ფარგლებში მოეწყოს, არამედ პერმანენტული სახე მიეცეს.
