რუსთავში კორონავირუსის 7 ახალი შემთხვევა გამოვლინდა. ამის შესახებ TV4-ს ცხელების ცენტრში განუცხადეს.
ცენტრის ეპიდემიოლოგის, მაია რაზმაძის ინფორმაციით, გამოვლენილი შემთხვევებიდან ოთხი სატვირთო ავტომობილის მძღოლია, ორი თბილისის მცხოვრები, ერთი კი რუსთაველია.
ინფექციური საავადმყოფოს ბოქსირებულ განყოფილებაში, ექიმების მეთვალყურეობის ქვეშ 8 ახალი პაციენტი რჩება. მათი ტესტის პასუხი კორონავირუსზე, სავარაუდოდ 24 საათის განმავლობაში გახდება ცნობილი.
