რუსთავის მე-14 საჯარო სკოლის მანდატური კორონავირუსით დაინფიცირდა – ამის შესახებ ტვ4-ს ცხელების ცენტრში განუცხადეს. ინფიცირებული 35 წლამდე ქალია.
სკოლაში დღეიდან სასწავლო პროცესი დისტანციური რეჟიმით გაგრძელდება – ინფორმაცია ამის შესახებ სკოლის დირექციამ გაავრცელა.
“15 ოქტომბრიდან ყველა კლასი გადადის ონლაინსწავლებაზე. მოსწავლეებს სკოლაში ნუ გამოუშვებთ,” – აღნიშნულია ინფორმაციაში.
როგორც სკოლის დირექტორი ჩვენთან საუბრისას აცხადებს, 1-ლიდან მე-6 კლასის ჩათვლით 197 მოსწავლეა რეგისტრირებული და ყველა მათგანი სწავლას უფროსკლასელების მსგავსად, დისტანციურად აგრძელებს.
რუსთავის ცხელების ცენტრში ამ დროისთვის 10 ახალი პაციენტია მოთავსებული. მათი ტესტის პასუხი კორონავირუსზე 24 საათის განმავლობაში გახდება ცნობილი.