რუსთავში, ბოლო 24 საათში, კორონავირუსის 20-მდე შემთხვევა გამოვლინდა, – ამის შესახებ ჟურნალისტებს საზოგადოებრივი ჯანდაცვის ცენტრის ხელმძღვანელმა , დავით ბეგაშვილმა განუცხადა.
მისივე თქმით, 29 აგვისტოდან დღემდე, რუსთავში ვირუსი 160-მდე ადამიანს დაუდგინდა. დავით ბეგაშვილი აცხადებს, რომ სიტუაცია კონტროლს ექვემდებარება.
ასევე, როგორც დღეს გახდა ცნობილი, რუსთავის მე-14 და მე-12 საჯარო სკოლებში, ინფიცირების შემთხვევების გამო, სასწავლო პროცესი დღეიდან დისტანციური რეჟიმით გრძელდება. მოსწავლეები და პედაგოგები თვითიზოლაციაში გადავიდნენ.
