2020 წლის საპარლამენტო არჩევნების მეორე ტურის ჩასატარებლად საქართველოს მასშტაბით არსებული ყველა საარჩევნო უბანი გაიხსნა.
ქვეყნის მასშტაბით არჩევნების მეორე ტური 17 მაჟორიტარულ საარჩევნო ოლქში ტარდება. საარჩევნო უბნები კოვიდრეგულაციების დაცვით 08:00 საათიდან 20:00 საათამდე იფუნქციონირებს.
იმ ამომრჩევლებისთვის, რომლებიც იმყოფებიან სამკურნალო დაწესებულებებში კარანტინსა და თვითიზოლაციაში, ცალკე დამატებით სპეციალური საარჩევნო უბნები შეიქმნა.
ცნობისთვის, ქვემო ქართლის მასშტაბით საპარლამენტო არჩევნების მეორე ტური მხოლოდ რუსთავისა და გარდაბნის მე-12 ოლქში ჩატარდება. მაჟორიტარი დეპუტატობის მანდატის მოსაპოვებლად ამომრჩეველი არჩევანს პარტია ” ქართული ოცნება- დემოკრატიული საქართველოს” წარმომადგენელ ნინო ლაცაბიძესა და “ძალა ერთობაშია -ნაციონალური მოძრაობის” კანდიდატ დავით კირკიტაძეს შორის გააკეთებს.
