დღეიდან რუსთავის საკალათბურთო გუნდმა ვარჯიში განაახლა. კლუბის წევრებს თვითიზოლაციის ვადა ამოეწურათ და რუსთავის „რუსთავი“ ჩვეულ რეჟიმში აგრძელებს ვარჯიშს.
საზოგადოება “რუსთაველები”-ს და კომპანია “ჯეო ორთო”-ს მხარდაჭერით საკალათბურთო გუნდ “რუსთავი 1991”-ის წევრებს ტესტირება ჩაუტარდათ “Covid 19” ზე პულირების მეთოდით. ტესტირების შედეგად 3 მოთამაშეს კორონა ვირუსი დაუდასტურდა, რის გამოც ყველა გუნდის წევრი 7 დღიან იზოლაციაში იმყოფებოდნენ.
განმეორებითი ტესტირების შედეგად ყველა მოთამაშის პასუხი უარყოფითია, თუმცა, საკალთბურთო გუნდის გადაწყვეტილებით, 2 მოთამაშე, რომლებიც განიკურნენ ვირუსისგან, უსაფრთხოების მიზნით იზოლაციაში კიდევ 1 კვირა დარჩებიან.
საკალათბურთო გუნდმა „რუსთავი 1991“- მა ჯანდაცვის სამინისტროს ყველა რეგულაციის დაცვით ვარჯიშები აქტიურად განაახლა.