დიდ ბრიტანეთში აღმოჩენილი „კოვიდ-19“-ის ახალი სახეობის გამო, ბელგიამ ბრიტანეთთან მიმოსვლა დროებით შეაჩერა. ინფორმაციას „ევრონიუსი“ ავრცელებს.
ფრენების გარდა, ბელგიამ ბრიტანეთთან სარკინიგზო მიმოსვლაც აკრძალა.
მანამდე, ბრიტანეთთან მიმოსვლა შეაჩერა ნიდერლანდებმაც. როგორც „ევრონიუსი“ წერს, ნიდერლანდებში დეკემბრის დასაწყისში „კოვიდ-19“-ის ის სახეობა დაფიქსირდა, რომელიც ახლა დიდი ბრიტანეთში ვრცელდება.
ნიდერლანდების პრემიერ-მინისტრ, მარკ რიუტეს განცხადებით, მთავრობამ ბრიტანეთთან მიმოსვლის შეჩერების გადაწყვეტილება ახალი ტიპის ვირუსის გავრცელების პრევენციის მიზნით მიიღო.
დიდ ბრიტანეთთან მიმოსვლის შეჩერებას განიხილავენ გერმანიასა და საფრანგეთშიც.