რუსთავის ბაღებში სასურსათო პაკეტების გაცემის მეორე ეტაპისთვის პროდუქტების შემოტანა დაიწყო. საკითხთან დაკავშირებით, Tv4 რუსთავის ბაგა-ბაღების გაერთიანების დირექტორს, ეკატერინე ხუციშვილს ესაუბრა.
მისი თქმით, პროდუქტის გაცემა 24 დეკემბრიდან დაიწყება, სასურსათო პროდუქტს ყველა ჩარიცხული აღსაზრდელი მიიღებს.
თითოეული აღსაზრდელზე გათვლილი პაკეტი ხილ-ბოსტნეულს, შაქარს, კვერცხს, ხორცისა და რძის პროდუქტებს მოიცავს.
საკვები პროდუქტებისთვის ბიუჯეტიდან 205 000 ლარია გამოყოფილი და მათი დარიგება ჯანდაცვის სამინისტროს ყველა რეგულაციის დაცვით მოხდება.
შეგახსენებთ, რომ რუსთავის სააღმზრდელო დაწესებულებებში სასწავლო პროცესი 9 ნოემბრიდანაა შეწყვეტილი.
