ბრიტანეთში „კოვიდ-19“-ის წინააღმდეგ „ფაიზერისა“ და „ბიოენტექის“ მიერ შემქნილი პირველი ვაქცინა 90 წლის ბრიტანელ მარგარეტ ქენანს გაუკეთეს. ინფორმაციას „ბიბისის“ ავრცელებს.
მარგარეტ ქენანი ქალაქ კოვენტრიში 60 წლის განმავლობაში ცხოვრობდა და 86 წლამდე ადგილობრივ საიუველირო მაღაზიაში მუშაობდა.
ბრიტანეთი იქნება პირველი ქვეყანა, სადაც მოსახლეობა კომპანია „ფაიზერისა“ და „ბიოენტექის“ მიერ შექმნილი ვაქცინით აიცრება.
„ბიბისის“ ცნობით, თავდაპირველად ვაქცინას 80 წელს გადაცილებული ადამიანები, ექიმები, მოხუცთა თავშესაფარში მცხოვრები ხანდაზმულები და იქ მომუშავე ადამიანები მიიღებენ. ამის შემდეგ ვაქცინაციის მსურველთა ასაკი ყოველკვირეულად დაიწევს.
ვაქცინაცია 800 000 დოზით დაიწყება. ბრიტანეთმა, საერთო ჯამში, ვაქცინის 40 მილიონი დოზა შეიძინა, რაც 20 მილიონი ადამიანისთვის იქნება საკმარისი.
