„გირჩის“ წევრი ვახტანგ მეგრელიშვილი აცხადებს, რომ დღეიდან ის წყვეტს პარტიის შიდა კონფლიქტზე მედიასთან საუბარს.
მისივე თქმით, განხილვები მხოლოდ „გირჩის“ მხარდამჭერებთან ერთად გაგრძელდება.
„ზურასთან მხოლოდ საჯარო კომუნიკაცია გვქონდა. დღეიდან საერთოდ მედიასთან „გირჩის“ შიდა კონფლიქტზე საუბრები ჩვენი მხრიდან შეწყდება. „გირჩი“ შიდა კონფლიქტის განხილვას გააგრძელებს მხოლოდ თავის შიდა წრეში, შიდა ვირტუალურ ჯგუფებში. როგორც კი ჩამოვყალიბდებით, თქვენ ყველაფერს გაიგებთ“, – განაცხადა მეგრელიშვილმა.
ამასთან, მეგრელიშვილმა არ უპასუხა ჟურნალისტების შეკითხვას, ვის დარჩება პარტიის სახელი.
„ე.ი. ვერანაირად ვერ გადმოვეცი, რომ დღეიდან მე კომენტარს მედიასთან შიდა კონფლიქტთან დაკავშირებით არ გავაკეთებ. თქვენ არ იღებთ ჩემს პასუხს როგორც ჩანს“, – აღნიშნა მან.
