თბილისის ქუჩაზე ავტომობილი ბუნებრივი აირის მილს შეეჯახა

ავტოსაგზაო შემთხვევა მოხდა თბილისის ქუჩაზე. მსუბუქი ავტომობილი ბუნებრივი აირის მილს შეეჯახა, რის შედეგადაც მილი დაზიანდა, ბუნებრივმა აირმა კი გაჟონვა დაიწყო. შემთხვევის შედეგად არავინ დაშავებულა. ადგილზე მობილიზებულია სახანძრო-სამაშველო და საპატრულო ეკიპაჟები.
როგორც კომპანია სოკარის წარმომადგენელმა ტვ4-თან საუბარში აღნიშნა, ბუნებრივი აირის მიწოდება მინიმუმ ხვალ საღამომდე შეუწყდება თბილისის ქუჩის, ცურტაველის, ვაჟა-ფშაველას,ფალიაშვილის, კლდიაშვილის, მეგობრობისა და ვახუშტის ქუჩებს, ასევე სავარაუდოდ მე-6 და მე-7 მიკრო რაიონებს.