რუსეთის ქალაქებში ოპოზიციონერი ალექსეი ნავალნის მხარდამჭერი აქცია “თავისუფლება ნავალნის!” დაიწყო. უცხოური მედიის ინფორმაციით, პოლიცია მომიტინგეებს ძალის გამოყენებით შლის და აკავებს.
აქციები სხვადასხვა ქალაქში ადგილობრივი დროით 14:00 საათზე იწყება. გამოსვლები 100-მდე ქალაქშია დაანონსებული. საპროტესტო გამოსვლები უკვე დაიწყო რუსეთის შორეულ აღმოსავლეთსა და ციმბირში.
როგორც ადგილობრივი ორგანიზაციები ავრცელებენ ინფორმაციას, ქუჩაში ასობით მოქალაქეა გასული.
