ტიკარაძე: თებერვალში ვაქცინის გარკვეულ მოცულობას ველოდებით

ჯანდაცვის მინისტრის, ეკატერინე ტიკარაძის თქმით, თებერვალში კოვაქს პლატფორმიდან ქვეყანა კორონავირუსის ვაქცინის გარკვეულ მოცულობას ელოდება.

როგორც ტიკარაძე ამბობს, ვაქცინა იმ ადამიანებზე გადანაწილდება, რომლებიც რისკ ჯგუფებში არიან.

​”დღეის მდგომარეობით ჩვენ გვაქვს ინტენსიური მოლაპარაკებები, რაც გულისხმობს იმას, რომ თებერვლის თვეში ველოდებით კოვაქს პლატფორმიდან ვაქცინის გარკვეულ მოცულობას, რომელიც შესაბამისად გადანაწილდება იმ მოწყვლად ჯგუფებზე, რომელისთვისაც ვირუსის გავრცელება არის ყველაზე მეტად რისკის შემცველი”,-განაცხადა ტიკარაძემ.

კოვაქს პლატფორმა ოქსფორდისა და მოდერნას ვაქცინებთან ერთად, ზემოხსენებულ ფაიზერის ვაქცინასაც სწავლობს, რომელსაც ბრიტანეთი გამოიყენებს.