ხოფის ბაზრობაზე ხანძარი გაჩნდა

ხოფის ბაზრობაზე მდებარე ტანსაცმლის მაღაზიაში ხანძარი გაჩნდა.

შინაგან საქმეთა სამინისტროს საგანგებო სიტუაციების მართვის სამსახურის ინფორმაციით, სხვა ობიექტებზე ცეცხლის გავრცელების საფრთხე არსებობდა, თუმცა, მეხანძრე-მაშველებმა ხანძრის ლიკვიდირება დროულად შეძლეს.

მომხდარის შედეგად არავინ დაშავებულა.

ადგილზე სახანძრო-სამაშველო სამსახურის 6 ეკიპაჟი მუშაობდა.