დღეს, რუსთავის სკოლებში კორონავირუსის შემთხვევები დაფიქსირდა.
როგორც N2 დიაგნოსტიკურ ცენტრში TV4-ს განუცხადეს, “კოვიდ-19” ქალაქის N6 საჯარო სკოლის მასწავლებელს დაუდასტურდა. ვირუსი დაუდასტურდათ მე-4, მე-18 და 28-ე სკოლის მოსწავლეებსაც.ბავშვები სწავლას დისტანციური მოდელით აგრძელებენ.
ამასთან, რესურსცენტრის ინფორმაციით, ქალაქში ამ დრომდე, ონლაინ-სწავლებაზე საკუთარი სურვილით 1 600-მდე მოსწავლე დარეგისტრირდა.
რაც შეეხება ქვემო ქართლის რეგიონის სკოლებში ეპიდვითარებას, მარნეულის 74 სკოლიდან ვირუსი მხოლოდ 3 მასწავლებელს და 1 მოსწავლეს დაუდასტურდა. გარდაბანში კი ეპიდვითარება სტაბილურია და კვლევების შედეგად, ყველა მასწავლებლის ტესტის პასუხი უარყოფითია.
