თურქეთში დროებით დასაქმების მსურველებისთვის რეგისტრაცია განახლდა. თურქეთში საქართველოს საელჩოს ცნობით, იმ პირებს, რომლებმაც ერთხელ უკვე ისარგებლეს აჭარის ავტონომიური რესპუბლიკის დასაქმების სააგენტოს მიერ გაცემული ნებართვით, ავტორიზაციის გავლა სააგენტოს ვებ-გვერდზე კვლავ შეეძლებათ.
საელჩოს ინფორმაციით, დაინტერესებულმა პირებმა პირადი მონაცემების გამოყენებით განაცხადი ხელახლა უნდა ატვირთონ.
“ამ შემთხვევაშიც, აუცილებელია 2021 წელს გაცემული, ნოტარიულად დამოწმებული მოწვევის წერილისა და ქართულ ენაზე შესრულებული თარგმანის წარდგენა”, — წერია საელჩოს მიერ გავრცელებულ განცხადებაში.
