გარდაბნის მუნიციპალიტეტის სოფელ ნორიოს, ახალი სასწავლო წლიდან თანამედროვე სტანდარტების შესაბამისი საჯარო სკოლა ექნება.
მიმდინარე სამუშაოებს გარდაბნის მუნიციპალიტეტის მერი რამაზ ბუდაღაშვილი ადგილობრივი ხელისუფლების სხვა წარმომადგენლებთან ერთად გაეცნო.
პროექტის თანახმად, სრულად რეაბილიტერდება შენობის შიდა სივრცე, ექსტერიერი და გარე პერიმეტრი.
სამშენებლო სამუშაოებს ტენდერში გამარჯვებული კომპანია შპს “ალიანსი” , ხელშეკრულებით გათვალისწინებულ ვადებში 4′ 386′ 748 ლარად ასრულებს.
მიმდინარე წელს მუნიციპალიტეტის მასშტაბით სოფელ ნორიოში, გამარჯვებაში, კუმისსა და ჯანდარაში საჯარო სკოლების რეაბილიტაციას, მუნიციპალური განვითარების ფონდი უზრუნველყოფს.
