დოკუმენტს “ოცნებამ” რომ მოაწეროს ხელი, მე მაინც არ მოვაწერ, – ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ ეთერში განაცხადა.
მისი თქმით, ვადამდელი არჩევნებისა და პოლიტპატიმრების თავისუფლების გარეშე პოლიტიკური კლიმატი ვერ შეიცვლება.
„მადლობელი ვარ მედიატორის და ყველასი, ვისაც აქვს პოლიტიკური და პრაგმატული ინტერესი ქვეყნის კრიზისიდან გამოყვანის, ოღონდ პირველადი პასუხისმგებლობა ბუნებრივია ჩვენ გვაქვს, ვინც ანგარიშვალდებული ვართ საზოგადოების წინაშე. ვადამდელი არჩევნებისა და პოლიტპატიმრების თავისუფლების გარეშე პოლიტიკური კლიმატი ვერ შეიცვლება.
ხელისუფლებამ დააყენა საკითხი ასე, რომ მე რადიკალურად ვარ განწყობილი, მე არაფერს ვიზამ და თუ თქვენ რამე ისეთს შემომთავაზებთ, რომელიც ოდნავ მაინც მე არ მინდა, თავს დავიღუპავ, მაგრამ ქვეყანასაც გადავიყოლებ-ო. სამწუხაროდ ამ სტრატეგიის შედეგია ეს არასრულფასოვანი დოკუმენტი“, – განაცხადა გიგა ბოკერიამ.
