კოვიდვაქცინაციის მიმართ ნდობის ამაღლების მიზნით, კამპანია გრძელდება. დღეს AstraZeneca-ს ვაქცინით საქართველოს ჯანდაცვის ჯგუფის გენერალური დირექტორი, ნიკოლოზ გამყრელიძე აიცრა.
გამყრელიძე ერთ-ერთი პირველი იყო ქვეყანაში, ვინც კორონავირუსი გადაიტანა.
მან საზოგადოებას მოუწოდა, დარეგისტრირდნენ და აცრა ჩაიტარონ. მისი თქმით, პანდემიის დამარცხების ერთადერთი გზა სწორედ ვაქცინაციაა.