“ლეიბორისტული პარტიის” ლიდერმა, შალვა ნათელაშვილმა საპატიმროში მყოფ ნიკა მელიას ხარების დღესასწაული მიულოცა და ხილი მიუტანა.
ნათელაშვილი მელიას სანახავად არ შესულა, თუმცა რუსთავის ციხესთან მივიდა და მისთვის განკუთვნილი ძღვენი მელიასთვის გადასაცემად თვითონ ჩააბარა.
ნათელაშვილმა მედიას უთხრა, რომ ხილთან ერთად მელიას ხაჭაპურიც შეუგზავნა.
როგორც ლეიბორისტული პარტიის ლიდერი ამბობს, ხვალინდელი სასამართლო პროცესი კიდევ ერთი მაჩვენებლი იქნება იმისა, რომ მელიას საქმე პოლიტიკურად მოტივირებულია.
ოპოზიციის ერთ–ერთი ლიდერის თქმით, საერთაშორისო ზეწოლის ფონზე ხელისუფლებას მელიას გათავისუფლება და ვადამდელი არჩევნების დანიშვნა მაინც მოუწევს.
