14 აპრილი დედაენის დღეა. 43 წლის წინ საბჭოთა ხელისუფლების დადგენილების გასაპროტესტებლად ქუჩაში ასი ათასი ადამიანი გამოვიდა.
გადაწყვეტილება ასეთი იყო – საქართველოში ქართული ენა, როგორც სახელმწიფო ენა გაუქმებულიყო. თბილისთან ერთად აქციები ბათუმშიც მიმდინარეობდა და პირველად საბჭოთა კავშირის ისტორიაში, კომუნისტურმა რეჟიმმა უკან დაიხია.
14 აპრილი დედაენის დღედ გამოცხადდა. თარიღთან დაკავშირებით დედაენის ძეგლთან, ტრადიციულად, ყოველ წელს, სხვადასხვა ღონისძიება ეწყობა.
ღონისძიება დაგეგმილია რუსთავშიც. ზაქარია ფალიაშვილის სახელობის ხელოვნების სკოლის მიმდებარე სკვერში ქართული ენის დღისადმი მიძღვნილი ღონისძიება გაიმართება.
ცნობისთვის, საბჭოთა კავშირში შემავალი 15 ქვეყნიდან, გენერალური მდივნის გადაწყვეტილება მხოლოდ საქართველომ, სომხეთმა და ბალტიისპირეთის ქვეყნებმა გააპროტესტეს.
