ჟიული შარტავას სახელობის N4 საჯარო სკოლაში 9 აპრილისადმი მიძღვნილი ღონისძიება გაიმართა. ღონისძიების ფარგლებში სხვადასხვა ქორეოგრაფიულ და მუსიკალურ ნომრებთან ერთად, სკოლამ დამსწრე აუდიტორიას დოკუმენტური ფილმი სახელწოდებით „ტკბილ-მწარე თავისუფლება“ წარუდგინა. ფილმი N4 საჯარო სკოლის მოსწავლეებმა გადაიღეს.
ღონისძიებას ადგილობრივი ხელისუფლების წარმომადგენლები, სკოლის მოსწავლეები და მშობლები ესწრებოდნენ.
სკოლის დირექტორის, მამუკა ხამხაძის ინფორმაციით, 9 აპრილის თემატიკაზე ღონისძიებებისკოლაში რამდენიმე დღის განმავლობაში გაგრძელდება.
შეგახსენებთ, 9 აპრილს თბილისში საბჭოთა არმიის მიერ ანტისაბჭოთა, საქართველოს დამოუკიდებლობის მოთხოვნით მოწყობილი მშვიდობიანი დემონსტრაციის დარბევა მოხდა, რის შედეგადაც დაიღუპა 21 და დაშავდა 427 ადამიანი.
