ლანჩხუთში ძლიერმა ქარმა პრობლემები შექმნა – მოგლეჯილია ხეები, დაზიანებულია სახლები. მოსახლეობას ელექტროენერგია არ მიეწოდება.
მუნიციპალიტეტის მერის ინფორმაციით, სოფლებიდან ეტაპობრივად იღებენ ინფორმაციას და დღის ბოლომდე ზარალის ოდენობა ეცოდინებათ. წინასწარი ინფრომაციით, ლანჩხუთში ზარალი 2 მილიონ ლარამდეა.
“სოფლებს არ მიეწოდება ელექტროენერგია. მოთხრილია დიდი ხეები და დაზიანებულია საცხოვრებელი სახლების სახურავები. ყოველ წუთს შემოდის სოფლებიდან ინფორმაციები და შესაბამისი სამსახურები გასულები არიან”,- განაცხადა მერმა.
სოფლებში მუშაობას ამ დრომდე აგრძელებენ შესაბამისი სამსახურები.
