დღეიდან მუნიციპალურმა ტრანსპორტმა მოძრაობა განაახლა. მუნიციპალური ავტობუსებთან ერთად, რუსთავში მუშაობა დაიწყო კერძო სამარშრუტო ტაქსებმაც.
ამის შესახებ უწყებათაშორისმა საკოორდინაციო საბჭომ გადაწყვეტილება ორი დღის წინ მიიღო.
მუნიციპალური ტრანსპორტი 3-დან 12 მაისის ჩათვლით არ მუშაობდა.
საბჭოს გადაწყვეტილებით, უქმე დღეების დროს დაწესებული შეზღუდვები დღეიდან, 13 მაისიდან იხსნება.
ამასთან, კვლავ ძალაში რჩება 21:00 საათიდან 05:00 საათამდე გადაადგილებაზე დაწესებული შეზღუდვა.
