თუ მიშელის დოკუმენტს ხელს არ მოაწერენ, მკაცრი რეაგირება გვექნება,- ამის შესახებ “ქართული ოცნების” თავმჯდომარემ, ირაკლი კობახიძემ განაცხადა.
მისივე თქმით, ოპოზიციური პარტია “პრივილეგიებით” ვერ ისარგებლებს და მონაწილეობას ვერ მიიღებს მიშელის დოკუმენტის აღსრულების ნაწილში მიმდინარე სამუშაო ფორმატში.
“დოკუმენტის ხელმოწერის გარეშე მათ პარლამენტში შემოსვლას არავითარი ფასი არ აქვს, არც ფორმალური არც არაფორმალური, არავითარი ფასი არ აქვს. მათ მოუწევთ აუცილებლად მიშელის დოკუმენტზე ხელის მოწერა, ამას ხაზგასმით ვამბობ. წინააღმდეგ შემთხვევაში ჩვენი მხრიდან რეაგირება იქნება მკაცრი… თუ ხელს არ მოაწერენ მიშელის დოკუმენტს, ამ დოკუმენტიდან გამომდინარე პრივილეგიებით ბუნებრივია, ვერ ისარგებლებენ. მათ შორის ვერ ჩაერთვებიან სამუშაო ფორმატებში, რომელიც უკავშირდება მიშელის დოკუმენტის აღსრულებას”,- თქვა კობახიძემ.
