“ქართული ოცნების” თავმჯდომარე, ირაკლი კობახიძემ კოვიდპანდემიის განმავლობაში დაკისრებული ჯარიმების ამნისტიასთან დაკავშირებით განაცხადა, რომ ამ ინიციატივით უმრავლესობას ამომრჩევლის მოსყიდვის მცდელობა არ ჰქონია.
“საბოლოო ჯამში, „კოვიდმა“ სხვადასხვა ფორმით გვაზარალა ადამიანები, მათ შორის სამართალდამრღვევებიც და როცა ეს პროცესი არის უკვე გადავლილი, სახელმწიფოს მართებდა ამაზე მსჯელობა და ვფიქრობ, რომ სწორი გადაწყვეტილება იქნა მიღებული. საარჩევნო მოსყიდვის ინტერესი რომ ყოფილიყო, ეს სექტემბერში გაკეთდებოდა და ბევრად უფრო ადრე, ვიდრე თვითმმართველობის არჩევნები ტარდება“, – განაცხადა კობახიძემ.
